Sexti Properti Carmina

Contents:
Author: Sextus Propertius

XVIII

HAEC certe deserta loca et taciturna querenti,
et uacuum Zephyri possidet aura nemus.
hic licet occultos proferre impune dolores,
si modo sola queant saxa tenere fidem.
unde tuos primum repetam, mea Cynthia, fastus?
quod mihi das flendi, Cynthia, principium?
qui modo felices inter numerabar amantis,
nunc in amore tuo cogor habere notam.
quid tantum merui? quae te mihi carmina mutant
an noua tristitiae causa puella tuae?
sic mihi te referas, leuis, ut non altera nostro
limine formosos intulit ulla pedes.
quamuis multa tibi dolor hic meus aspera debet,
non ita saeua tamen uenerit ira mea ut tibi sim merito semper furor, et tua flendo
lumina deiectis turpia sint lacrimis.
an quia parua damus mutato signa colore?
et non ulla meo clamat in ore fides?
uos eritis testes, si quos habet arbor amores,
fagus et Arcadio pinus amica deo.
a quotiens teneras resonant mea uerba sub umbras,
scribitur et uestris Cynthia corticibus!
an tua quod peperit nobis iniuria curas,
quae solum tacitis cognita sunt foribus?
omnia consueui timidus perferre superbae
iussa neque arguto facta dolore queri.
pro quo diuini fontes et frigida rupes
et datur inculto tramite dura quies;
et quodcumque meae possunt narrare querelae,
cogor ad argutas dicere solus auis.
sed qualiscum es resonent mihi `Cynthia’ siluae,
nec deserta tuo nomine saxa uacent.

Contents:

Related Resources

None available for this document.

Download Options


Title: Sexti Properti Carmina

Select an option:

*Note: A download may not start for up to 60 seconds.

Email Options


Title: Sexti Properti Carmina

Select an option:

Email addres:

*Note: It may take up to 60 seconds for for the email to be generated.

Chicago: Sextus Propertius, "XVIII," Sexti Properti Carmina in Sexti Properti Carmina Original Sources, accessed October 5, 2022, http://www.originalsources.com/Document.aspx?DocID=49CXUR5BUV5RNWK.

MLA: Propertius, Sextus. "XVIII." Sexti Properti Carmina, in Sexti Properti Carmina, Original Sources. 5 Oct. 2022. http://www.originalsources.com/Document.aspx?DocID=49CXUR5BUV5RNWK.

Harvard: Propertius, S, 'XVIII' in Sexti Properti Carmina. cited in , Sexti Properti Carmina. Original Sources, retrieved 5 October 2022, from http://www.originalsources.com/Document.aspx?DocID=49CXUR5BUV5RNWK.