Sexti Properti Carmina

Contents:
Author: Sextus Propertius

I

CYNTHIA prima suis miserum me cepit ocellis,
contactum nullis ante cupidinibus.
tum mihi constantis deiecit lumina fastus
et caput impositis pressit Amor pedibus,
donec me docuit castas odisse puellas
improbus, et nullo uiuere consilio.
et mihi iam toto furor hic non deficit anno,
cum tamen aduersos cogor habere deos.
Milanion nullos fugiendo, Tulle, labores
saeuitiam durae contudit Iasidos.
nam modo Partheniis amens errabat in antris,
ibat et hirsutas ille uidere feras;
ille etiam Hylaei percussus uulnere rami
saucius Arcadiis rupibus ingemuit.
ergo uelocem potuit domuisse puellam:
tantum in amore preces et benefacta ualent.
in me tardus Amor non ullas cogitat artis,
nec meminit notas, ut prius, ire uias.
at uos, deductae quibus est fallacia lunae
et labor in magicis sacra piare focis,
en agedum dominae mentem conuertite nostrae,
et facite illa meo palleat ore magis!
tunc ego crediderim uobis et sidera et amnis
posse Cytaeines ducere carminibus.
et uos, qui sero lapsum reuocatis, amici,
quaerite non sani pectoris auxilia.
fortiter et ferrum saeuos patiemur et ignis,
sit modo libertas quae uelit ira loqui.
ferte per extremas gentis et ferte per undas,
qua non ulla meum femina norit iter:
uos remanete, quibus facili deus annuit aure,
sitis et in tuto semper amore pares.
in me nostra Venus noctes exercet amaras,
et nullo uacuus tempore defit Amor.
hoc, moneo, uitate malum: sua quemque moretur
cura, neque assueto mutet amore locum.
quod si quis monitis tardas aduerterit auris,
heu referet quanto uerba dolore mea!

Contents:

Related Resources

None available for this document.

Download Options


Title: Sexti Properti Carmina

Select an option:

*Note: A download may not start for up to 60 seconds.

Email Options


Title: Sexti Properti Carmina

Select an option:

Email addres:

*Note: It may take up to 60 seconds for for the email to be generated.

Chicago: Sextus Propertius, "I," Sexti Properti Carmina in Sexti Properti Carmina Original Sources, accessed September 29, 2022, http://www.originalsources.com/Document.aspx?DocID=4BMMEIC96URFLYI.

MLA: Propertius, Sextus. "I." Sexti Properti Carmina, in Sexti Properti Carmina, Original Sources. 29 Sep. 2022. http://www.originalsources.com/Document.aspx?DocID=4BMMEIC96URFLYI.

Harvard: Propertius, S, 'I' in Sexti Properti Carmina. cited in , Sexti Properti Carmina. Original Sources, retrieved 29 September 2022, from http://www.originalsources.com/Document.aspx?DocID=4BMMEIC96URFLYI.